މިހާރު ކުރިއަށްދާ ގޯލްޑަން ފުޓްސަލް މުބާރާތުގެ ގުރޫޕުގެ 1 ވަނައަށް ފިލްލަދޫ އަރައިފިއެވެ. ފިއްލަދޫ ގުރޫޕުގެ 1 ވަނައަށް އެރީ މިއަދު ހަވީރު ތުރާކުނާ ބައްދަލުކުރި މެޗު ކާމިޔާބުކޮށްގެންނެވެ. މި ގުރޫޕުގެ 2 ވަނާގައި މި ވަގުތު އޮތީ 4 ޕޮއިންޓާއެކު ކެލައެވެ.
ހުޅުމާލޭ ރެހެންދި ފުޓްސަލް ދަނޑުގައި މިއަދު ހަވީރު 4.00 ގައި ކުޅުނު ފިއްލަދޫ، ތުރާކުނު މެޗު ފިއްލަދޫ ކާމިޔާބުރީ 2-1 އިންނެވެ. މި މެޗުގައި ފިއްލަދޫން ލަނޑުޖެހީ އާދަމް ސަމާޚާއި، މުޙައްމަދު ޔާމިނެނެ. ތުރާކުނުން ލަނޑުޖެހީ މުޙައްމަދު ސަމީހެވެ. މި މެޗުގެ މޮޅު ކުޅުންތެރިއަކަށް ހޮވުނީ ފިއްލަދޫ ޓީމުގެ ޖަރޒީ ނަންބަރު 14 މުޙައްމަދު ޔާމިނެވެ.
އެ ގަޑީގައި ކުޅުނު ހޯރަފުށީ، ކެލާ މެޗު ނިމުނީ 3-3އިން އެއްވަރު ވެގެންނެވެ. މި މެޗުގައި ހޯރަފުށިން އަބްދުﷲ ޔާމީން 2 ލަނޑު ޖެހި އިރު، އެޓީމުން އަނެއް ލަނޑު ޖަހައިދިނީ ޢަލީ ޢިމްރާން މުޙައްމަދެވެ. މި މެޗުގައި ކެލާ ޓީމުން ލަނޑުޖެހީ އަޙްމަދު ވަޙީދު 1 ލަނޑު، ޤާސިމް އަޠޫފު 1ލަނޑު އަދި އިބްރާހީމް ރިސާލް 1 ލަނޑެވެ. މި މެޗުގެ މޮޅު ކުޅުންތެރިއަކަށް ހޮވުނީ ހޯރަފުށްޓަށް 2 ލަނޑު ޖަހައިދިން ޖަރޒީ ނަންބަރު 7 ޢަބްދުﷲ ޔާމީނެވެ.
މި ގުރޫޕުގެ މެޗުތަކުގެ ކުޅުން ދެން އޮންނާނީ މި މަހުގެ 10ވާ ހޮނިހިރު ދުވަހުގެ ރެއެވެ. 22.00 ގައި ކުޅޭ މެޗުގައި ބައްދަލުކުރާނީ ކެލައާއި، ފިއްލަދޫއެވެ. 23.00ގައި ކުޅޭ މެޗުގައި ބައްދަލުކުރާނީ ބާރަށާއި ހޯރަފުށްޓެވެ. މި ގުރޫޕުން 4 މެޗު ނިމުނު ތުރާކުނާއި، ބާރަށަށް އަދި އޮތީ ޕޮއިންޓެއް ނުލިބިއެވެ.
