ގޯލްޑަން ފްޓްސަލް 2026ގެ ފުރަތަމަ މެޗުގައި ބާރަށާ ބައްދަލުކޮށް ފަސޭހަކަމާއެކު ފިއްލަދޫ ކާމިޔާބުކޮށްފިއެވެ.
ހުޅުމާލޭ ރެހެންދި ފުޓްސަލް ދަނޑުގައި ރޭ 9.00 ގައި ކުޅުނު މި މެޗު ފިއްލަދޫ ޓީމުން ކާމިޔާބުކުރީ ބާރަށު ކޮޅަށް 4 ލަނޑު ޖަހައިގެންނެވެ. މި މެޗުގައި ފިއްލަދޫ ކޮޅަށް ބާރަށުން ޖެހުނީ އެންމެ ލަނޑެކެވެ. ނަމަވެސް ބާރަށުގެ ޒުވާން ޓީމުން އެންމެ ފަހު ސިކުންތާ ޖެހެންދެން ނުހަނު ހިތްވަރުކުރިކަން ފާހަގަކޮށްލަމެވެ.
ރޭގެ މެޗުގައި ފިއްލަދޫ ޓީމުން ލަނޑުޖެހީ ހުސާމު 1 ލަނޑު، ޝާއިދު 1ލަނޑު، އިޚްވާން 1 ލަނޑު އަދި ޔާމިން 1ލަނޑެވެ. ބާރަށު ޓީމުން ޖެހި ހަމައެކަނި ލަނޑު އެ ޓީމަށް ކާމިޔާބުކޮށްދިނީ ސަޒީމެވެ. މި މެޗުގެ މޮޅު ކުޅުންތެރިއަކަށް ހޮވުނީ ފިއްލަދޫ ޓީމުގެ ހުސާމެވެ.
މި ނަތީޖާއާއެކު ގޯލްޑަން ފުޓްސަލް 2026ގެ ފިއްލަދޫ ހިމެނޭ ގުރޫޕުގެ 2 ވަނަ އެ ޓީމަށް ލިބިފައިވަނީ 3 ޕޮއިންޓާ ފައިދާ 3 ގޯލާއެކުގައެވެ. ގުރޫޕުގެ 1 ވަނާގައި މި ވަގުތު އޮތީ ގޯލުގެ ތަފާތުން ކެލައެވެ.
މި މުބާރާތުގައި ފިއްލަދޫ ކުޅޭ ދެ ވަނަ މެޗު އޮންނާނީ އަންނަ ބުދަ ދުވަހު ހަވީރު 4.00 ގައެވެ. މި މެޗުގައި ފިއްލަދޫ ނުކުންނާނީ ތުރާކުނާ ދެ ކޮޅަށެވެ.
