ރޭ އޭދަފުށްޓާއި، ކާށިދޫ ބައްދަލުކުރި ޗެރިޓީ ޝީލްޑް މެޗުން ފެށި ގޯލްޑަން ފުޓްސަލް ޓޯނަމަންޓްގެ ފުރަތަމަ މެޗަށް މިރޭ ކެލާ، ތުރާކުނާ ދެ ކޮޅަށް ނުކުންނެއެވެ.
ހުޅުމާލޭ ރެހެންދި ފުޓުސަލް ދަނޑުގައި މިރޭ 8.00ގައި ކުޅެވޭ މި މެޗަށް ކެލާ ނުކުންނަ އިރު، ކެލައަކީ މި މުބާރާތް ފެށުނީންސުރެ މުބާރާތުގައި ވާދަކުރަމުން އަންނަ ޓީމެއްކަން ފާހަގަކޮށްލަން ޖެހެއެވެ.
ގޯލްޑަން ފުޓްސަލުން ރަނގަޅު ހިސާބަކަށް މިހާތަނަށް ކެލައަށް ދެވިފައި ނުވިއަސް އެއް ބަޔަކު އެއް ވާނެއްގައި ތިބެ ރަށް ތަމްސީލުކޮށްދޭކަން އެއީ ކެލާގެ ކޮންމެ ރައްޔިތަކަަށް ލިބޭ ބޮޑު ފަޚުރެކެވެ. ޚާއްޞަކޮށް މީގެ ކުރިން ނުލިބޭހާ ބޮޑު އެއްބާރުލުމެއް ކެލާގެ މި ޓީމަށް މި އަހަރު ކެލާ ކައުންސިލުން ދެއްވާފައިވާކަން ޝުކުރުވެރިކަމާއެކު ފާހަގަކޮށްލަން ޖެހެއެވެ.
މާލީ ގޮތުން ޓީމަށް ކެލާގެ ކޮންމެ ރައްޔިތަކަށް ޙައިރާތެއް ކޮށްނުލެވުނަސް، މިރޭ ދަނޑުދޮށަށް ނުކުމެ ސާބަހުގެ ބަހެއް ބުނެވިދާނެ ކަމަށް ދެކެމެވެ. ކެލައަށް ޓަކައި މިރޭ ހުޅުމާލޭ ރެހެންދި ދަނޑަށް، ގްރޭޓާ މާލޭ ސަރަޙައްދުގައި ދިރިއުޅޭ އެންމެންނަށް ވެސް އައިސްދެވިދާނެއެވެ.
