■(1)ދެޢީދު ދެދުވަހު ރޯދަހިފުން ހުއްދަވެގެންނުވެއެވެ. ދެޢީދު ދެދުވަހަކީ ފިޠުރު ޢީދު ދުވަހާއި އަޟްޙާ ޢީދު ދުވަހެވެ. ■ މުސްލިމުންގެ އިއްތިފާޤު
■ (2)އައްޔާމުއް ތަޝްރީޤުގެ ދުވަސްތައް
(1)އައްޔާމުއް ތަޝްރީޤުގެ ދުވަސްތަކިގެ މުރާދަކީ ޒިލް ޙިއްޖާ މަހުގެ (ޙައްޖު މަހުގެ) 11، 12 އަދި 13 އެވެ.
(2)އައްޔާމުއް ތަޝްރީޤުގެ ދުވަސްތަކުގައި ރޯދަހިފުން ހުއްދަވެގެންނުވެއެވެ. ■ 4 މަޛްހަބު ، ޘާހިރީންގެ ބަސްފުޅު ، ޤިނަ ޢިލްމުވެރިންގެ ބަސްފުޅު
)އިސްތިޘްނާ ހާލަތް : ތަމައްތުޢު އަދި ޤިރާން ޙައްޖު ކުރާ ބޭފުޅާއަށް ކަތިލާނެ ޙަދްޔު ނުލިބިއްޖެނަ (ލާރި ނެތުމުގެ ސަބަބުން، ކަތިލާނެ ހައިވާނެއް ނުލިބުމުގެ ސަބަބުން) : މިހާލަތުގައި ތަޝްރީޤުގެ ދުވަސްތަކުގައި ރޯދަހިފުން ހުއްދައެވެ ■ އިސްތިޘްނާ ކުރައްވަނީ (މިހާލަތުގައި އައްޔާމުއް ތަޝްރީޤުގެ ދުވަސްތަކުގައި ރޯދަހިފޭނެކަމަށް) : މާލިކީން، ޙަންބަލީން، ޝާފިޢީންގެ ކުރީގެ ބަސްފުޅު، ބައެއް ސަލަފުން(
■ (3)ޝައްކު ދުވަހު ރޯދަހިފުން
(1)ޝައްކު ދުވަސް : އެއީ ޝަޢުބާންމަހުގެ 30 ވަނަ ދުވަހެވެ. 30 ވަނަ ވިލޭރޭ ޝަރުޢީގޮތުން ހަނދު ފެނުން ޘާބިތުނުވާނެނަމަ…
(2)އެދުވަހަކީ ރަމަޟާންމަސް ދުވަސްކަން ވެދާނެކަމުގެ ބިރަށް ނުވަތަ ރައްކާތެރިކަމަށްޓަކައި : ޝައްކު ދުވަހު (އެއީ ޝަޢުބާންމަހުގެ 30 ވަނަ ދުވަހެވެ. 30 ވަނަ ވިލޭރޭ ޝަރުޢީގޮތުން ހަނދު ފެނުން ޘާބިތުނުވާނެނަމަ…) ރޯދަޔަށްހުރުން ހުއްދަވެގެންނުވެއެވެ ■ މަޛްހަބު މާލިކު އަދި ޝާފިޢީ، އަޙުމަދުގެ ރިވާޔަތެއް، ބައެއް ސަލަފުންގެ ބޭކަލުން، ޖައްޞާޞް، އިބްނު ޙަޒުމް، އިބްނު ޢަބްދުލް ބައްރު, އިބްނު ޢުޘައިމީން (ރަޙިމަހުމު ﷲ)
■ (4)އަނބިމީހާ ، ފިރިމީހާގެ އިޛްނަނެތި ސުންނަތް ރޯދަހިފުން
(1)ފިރިމީހާ ރަށުގައި ޤާއިމުވެ ހުރިހާލު (ނުވަތަ އަނބިމިހާ ގާތުގައި ފިރިމީހާ ހުރި ހާލު) ފިރިމީހާގެ އިޛްނައާއިނުލާ ސުންނަތް ރޯދަހިފުން އަނބިމީހާއަށް ހުއްދަވެގެންނުވެއެވެ ■ 4 މަޛްހަބު
(2)ފިރިމިހާގެ އިޛްނަނެތި އަނބިމީހާ ސުންނަތް ރޯދަޔަށް ހުރެއްޖެހާލު ، ފިރިމީހާ އަނބިމީހާ ޙާޖަތަށް ބޭނުންޖެހިގެންވާނަމަ : މިހާލަތުގައި އަނބިމީހާގެ ރޯދަ ދޫކޮށްލުމުގެ ބާރު ފިރިމީހާއަށް ލިބިގެންވެއެވެ.(މިޘާލު: އެއްދާންކުރުމުގެ ސަބަބުން) (މިހާލަތުގައި ފިރިމީހާއަށް އެކަން ކުރުން ހުއްދައެވެ.) ■ 4 މަޛްހަބު
)މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން(
والله أعلم
