މަޒުމޫނު ލިޔުމުގެ 40 ވަނަ ޤައުމީ މުބާރާތުން ޝައިޚްއިބްރާހީމް ސުކޫލަށްފަޚުރުވެރި ވަނަތަކެއް ލިބިއްޖެ
ދިވެހިބަހުގެ އެކަޑަމީން މި އަހަރު ބޭއްވި މަޒުމޫނު ލިޔުމުގެ 40 ވަނަ ޤައުމީ މުބާރާތުން ފަޚުރުވެރި ރަން ވަނަތަކެއް ކެލާ ޝައިޚު އިބުރާހީމް ސުކޫލަށް ލިބިއްޖެއެވެ.
ރައިސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ޝަރަފުވެރިކޮށްދެއްވި މަޒުމޫނު ލިޔުމުގެ 40 ވަނަ ޤައުމީ މުބާރާތުން ޝައިޚްއިބްރާހީމް ސުކޫލަށް ވަނީ ދަށު ސާނަވީ ގިންތީން ފަޚުރުވެރި 1 ވަނައާއި، ސާނަވީ ގިންތީން ފަޚުރުވެރި 2 ވަނަ ލިބިފައެވެ. އަދި މީގެ އިތުރުން އެ ސުކޫލުގެ ދަރިވަރު ޢީޝާ އަޙްމަދު ސިޔާމް ވަނީ، މަޒުމޫނު ލިޔުމުގެ 40 ވަނަ ޤައުމީ މުބާރާތުގެ ދަށު ސާނަވީ ގިންތީން 1 ވަނަ ވެސް ހޯދާފައެވެ.
މަޒުމޫނު ލިޔުމުގެ 40 ވަނަ ޤައުމީ މުބާރާތުން ކެލާ ސުކޫލު ހޯދި ޝަރަފުވެރި ކާމިޔާބަށް ޓަކައި، އެ ކަމުގައި ހިއްސާވި އެންމެހައި މުދައްރިސުންނަށާއި، ދަރިވަރުންނަށް އަދި އެ ދަރިވަރުންގެ ބެލެނިވެރިންނަށް ތިލައުތުރު ނޫހުގެ ފަރާތުން ހޫނު މަރުޙަބާ ދަންނަވަމެވެ.
