ޓައިޑަލް ޖަމްޢިއްޔާގެ އިޖުތިމާޢީ ޙަރާތުގެ ތެރޭން ކެލާގެ އިސްރަށްވެހިންނަށް ޚާއްޞަ ކަސްރަތު ކުލާހެއް ފަށަން ތައްޔާރުވެއްޖެއެވެ.
އަންނަ ޖަނަވަރީ މަހުގެ 3އިން 8އަށް ޓައިޑަލް ޖަމްޢިއްޔާއާއި، ކެލާ ކައުންސިލް ގުޅިގެން، ކެލާގައި ކުރިއަށް ގެންދާ މި ކުލާހަކީ، ސިލްވަރ ޓައިޑް ވެލްނަސް މޫދާއި، ގޮނޑުދޮށުގެ ފަރުވާ ހިމެނޭ ކަސްރަތު ކުލާހެކެވެ. ފޭސްބުކް މެދުވެރިކޮށް ކެލާ ކައުންސިލުން ކުރައްވާފައިވާ ޕޯސްޓެއްގައި ދަންނަވާފައި ވަނީ މި ކުލާހުގައި ބައިވެރިވާން ބޭނުންވާ އިސްރަށްވެހިން 9791213 މި ނަންބަރާ ގުޅުއްވާ، ނަން ނޯޓުކުރުމަށެވެ.
6 ދުވަހުގެ މުއްދަތަށް ކުރިއަށްގެންދާ މި ކުލާހުގައި ކުރިއަށް ގެންދާ ޙަރަކާތްތަކުގެ ތެރޭގައި މޫދު ފަރުވާ (ތަލާސޯ ތެރަޕީ)އާއި، ވެލީގެ ފަރުވާ (ސާމޯ ތެރަޕީ)ގެ އިތުރުން އޮޔައިގެ އިޙްސާސާއި، ކަނޑުވައިގެ އިޙްސާސް ދޭ ގޮތަށް ވަނީ ހަމޖެހިފައެވެ. އަދި ތިލައިގާ ހިނގުމާއި، ހީލާ މަޖާކޮށްލުމުގެ ފުރުޞަތުތަކުގެ އިތުރުން ދިރިއުޅުމުގެ ތަފާތު ފަންނުތައް ދަސްކޮށްދޭ ގޮތަށް މި ކުލާހުގައި ހަމަޖެހިފައި ވެއެވެ.
އަހަރުގެ ތެރޭ ތަފާތު ކަސްރަތު ކުލާސްތައް އާންމުކޮށް ހިންގަމުން އަންނަ ކެލާގައި ހަމައެކަނި އިސްރަށްވެހިނަށް ޚާއްޞަކޮށްގެން މި ފަދަ ކުލާހެއް ބާއްވާ މިއީ ފުރަތަމަ ފަހަރު ކަމަށް ވެސް ވެދާނެއެވެ.
