ކެލާ ޔޫތު ފޯރަމުން އިންތިޒާމުކޮށްގެން ބާއްވާ ވަރަށް ޚާއްޞަ މައުރަޒެއްް މި ހިނގާ ޑިސެންބަރު މަހުގެ 19 ވަނަ ދުވަހު އޮންނާނެ ކަމަށް އެ ޖަމްޢިއްޔާއިން ހާމަކޮށްފިއެވެ.
ފޭސްބުކް މެދުވެރިކޮށް ކެލާ ޔޫތު ފޯރަމުން ކޮށްފައިވާ އިޢުލާނުގައި ބުނެފައި ވަނީ މި މައުރަޒުގައި ކާބޯތަކެތީގެ އިތުރުން ދިރޭ މަހާއި، ދޫންޏާއި، ކުކުޅުގެ އިތުރުން އެކި ބާވަތްތަކުގެ ގަސްގަހާގެހި ވެސް ބައިވެރިކުރެވިދާނެ ކަމަށެވެ.
ތަފާތު ވެރައިޓީތައް ބައިވެރިކުރެވޭ ގޮތަށް ހުޅުވާލައިފައިވާ މި މައުރަޒުގައި ބައިވެރިވާން ބޭނުންވާ ފަރާތްތަކުން 9146555، 7603070 މި ނަންބަރާ ގުޅުއްވާ މަޢުލޫމާތު ސާފުކުރުމަށް އެ ޖަމްޢިއްޔާއިން އެދިލައްވާފައި ވެއެވެ.
ޑިސެންބަރުބަރު މަހުގެ 19ގައި ބޭއްވުމަށް ހަމަޖެހިފައިވާ މި މައުރަޒުގައި ކެލާގައި ދިރިއުޅޭ ކޮންމެ ފަރާތަކަށް ވެސް ބައިވެރިވެވިދާނެއެވެ.
ކެލާ ޔޫތު ފޯރަމަކީ ކެލާގައި ޙަރަކާތްތެރިވާ އެންމެ ޒަމާންވީ ޖަމްޢިއްޔާއެވެ. ވޭތުވެ ދިޔަ ފަންސަވީހަކަށް އަހަރު އެ ޖަމްޢިއްޔާއިން ވަނީ ކާމިޔާބު އެތައް މަސައްކަތްތަކެއް ކޮށްފައެވެ.
