ފުޓުބޯޅައާއި، ފުޓްސަލް ރެފްރީން އުފެއްދުމަށް ރެފުރީ ކޯހެއް ކެލާގައި ހިންގާ ގޮތަށް ހަމަޖެހިއްޖެއެވެ.
2025 ޑިސެންބަރު27އިން 2027 ޖަނަވަރީ5 އަށް ކުރިއަށް ގެންދާ މި ކޯހަކީ މިނިސްޓްރީ އޮފް ސްޕޯރޓްސް ފިޓްނަސް އެންޑް ރެކްރިއޭޝަނާއި، މޯލްޑިވްސް ނެޝަނަލް އިންސްޓިޓިޔުޓް އޮފްސްޕޯރޓްސްއާއި، އެފްއޭއެމާއި އަދި ކެލާ ކައުންސިލް ގުޅިގެން ކުރިއަށްގެންދާ ކޯހެކެވެ.
ކެލާ ކައުންސިލުން ކުރައްވާފައިވާ ފޭސްބުކް ޕޯސްޓުގައި ހާމަކުރައްވާފައި، ވާގޮތުގައި މި ކޯހުގައި ބައިވެރިވުމަށް ހުށަހަޅަންޖެހޭ އެޕްލިކޭޝަން މި ހިނގާ ޑިސެންބަރު މަހުގެ 20 ވަނަ ދުވަހުގެ 12.00 ގެ ކުރިން ފޮނުވަންޖެހެއެވެ.
ތިލަދުންމަތީ އުތުރުބުރީ ކެލައަކީ ފުޓުބޯޅައިގެ ރީތި ތާރީޚެއް އޮތް ރަށެކެވެ. ތާރީޚީ ބައެއް ޢިލްމުވެރިން ޤަބޫލުކުރައްވާ ގޮތުގައި މި ރާއްޖޭގައި އެންމެ ފުރަތަމަ ފުޓުބޯޅަ ތަޢާަރަފުކުރެވުނީ ކެލާގައެވެ. އަދި އެންމެ ފުރަތަމަ ފުޓުބޯޅަ ދަނޑެއް އެޅުނީ ވެސް ކެލާގައެވެ. މީގެ އިތުރުން އަތޮޅު ފުޓުބޯޅައާއި، ޒޯން ފުޓުބޯޅައިގައި ވެސް ކެލާ ވަނީ ރަންއަކުރުން ފަވާލެވިފައެވެ.
މިއީ ރަށުގައި ތިބެގެން ރެފުރީ ކޯސް ފުރިހަކޮށްލަން ކެލާގެ ޒުވާނުންނަށް ލިބޭ އެއް މިލިއަން ޑޮލަރަށް ވުރެ ވެސް އަގު ބޮޑު ފުރުޞަތެކެވެ. ފުރުޞަތު ނަގައި ނުލައި އަވަހަށް ބައިވެރިވާށެވެ.
