މިހާރު ކެލާގައި ހިނގަމުންދާ، ކެލާ ސްޕޯރޓްސް ފިއެސްޓާ ހޭންޑް ބޯލް މުބާރާތުގެ ޗެންޕިއަންކަން ކެލާ ޕޮލިސް ޓީމު ހޯދައިފިއެވެ. ޕޮލިސް ޓީމު ޗެންޕިއަންކަން ހޯދީ ފައިނަލްގައި ޝައިޚް އިބްރާހީމް ސުކޫލް ބަލިކުރުމަށް ފަހުގައެވެ.
ކެލާ ކައުންސިލުން އިންތިޒާމުކޮށްގެން ކެލާގައި މިހާރު ކުރިއަށްދާ، ކެލާ ސްޕޯރޓްސް ފިއެސްޓާ ހޭންޑް ބޯލް މުބާރާތުގެ ޗެންޕިއަންކަން ކެލާ ޕޮލިސް ހޯދީ ރޭ ކުޅުނު ފައިނަލް މެޗް 12-4 އިން ކާމިޔާބުކޮށްގެންނެވެ.
ފޯރިގަދަ އަދި ވާދަވެރި ކުޅުމެއް ފެނިގެން ދިޔަ، ފައިނަލް މެޗަށް ފަހު ވަނަތަކަށް ދިޔަ ފަރާތްތަކަށް ފައިސާގެ އިނާމާއި މެޑަލްތައް ރޭ ވަނީ ދެއްވާފައެވެ. ފައިސާގެ އިނާމާއި، މެޑަލްތައް ދެއްވީ ކެލާ ކައުންސިލް މެންބަރު ޚަދީޖާ މަޢުރިފާއާއި، ޑަބްލިޔޫޑީސީގެ ރައީސާ ޙައްވާ ފަޒުނާއާއި، ކިހައްޑިހަ އިންވެސްޓް މަންޓްގެ ޢަލީ ނިހާދާއި އަދި ޝަރަފުވެރިމެހްމާނު ސޫދާ ޒަހީނާއެވެ.
މުބާރާތުގެ އުންމިދީކުޅުންތެރިއަކަށް ހޮވުނީ: އާމިނަތު ރިމްޝާ އަލީ ޓީއޯ ސްޕޯރޓްސް ކުލަބު
ކުއީން އޮފް ދަމެޗަކަށް ހޮވުނީ: މައިސޫރާ މުޙައްމަދު ވަޙީދު، ޕޮލިސް ޓީމު
ބެސްޓް ކޯޗަކަށް ހޮވުނީ: އާދަމް ޝަރީފު، ޕޮލިސް ޓީމް
ޓޮޕް ސްކޯރާ: މައިސޫރާ މުޙައްމަދު ވަޙީދު، ޕޮލިސް ޓީމު
ކުއީން އޮފް ދަ ޓޯނަމަންޓް: މައިސޫރާ މުޙައްމަދު ވަޙީދު، ޕޮލިސް ޓީމު
މޮޅު 7 ކުޅުންތެރިން: ޙައްވާ އިސްރާ ޕޮލިސް، މައިސޫރާ މުޙައްމަދު ވަޙީދު ޕޮލިސް، ޢާއިޝަތު ރިޝްވާ ޝައިޚް އިބުރާހީމް ސުކޫލް، އާމިނަތު ތަހުޒީމާ ޝައިޚް އިބުރާހީމް ސުކޫލް، ޙައްވާ ސުދާ ޝައިޚް އިބުރާހީމް ސުކޫލް، އާމިނަތު ވިސާމާ ޕޮލިސް އަދި ހެލްތު ސެންޓަރގެ ހިމްޔާ ޙުސައިން ލަޠީފު ހެލްތު ސެންޓަރ
ފެއަރޕްލޭ ޓީމް: ޓީއޯ ސްޕޯސްޓްސް ކުލަބު
ރަނަރއަޕް ޓީމު: ޝައިޚް އިބްރާހީމް ސުކޫލް ޓީމު
ޗެންޕިއަން ޓީމު: ކެލާ ޕޮލިސް ޓީމު
މިއީ ކެލާ ކައުންސިލުން އިންތިޒާމުކޮށްގެން ކުރިއަށް ގެންދާ ފުރަތަމަ ސްޕޯރޓްސް ފިއެސްޓާއެވެ. މި ފިއެސްޓާގެ ސަބަބުން ކުޅިވަރުގެ އައު ރޫޙެއް އުފެދި ހުނަރުވެރި ކުޅުންތެރިން އުފެދުމަށް ހިތްވަރުލިބިގެންދާނެއެވެ.
