ކެލާ ޓޫސަންސް އަލްފާޟިލް މުޙައްމަދު ރަޝީދަށް ފަހު އަތޮޅުގެ އެކި ރަށްރަށުގެ ޤާޟީން ބަލަހައްޓަވަމުން އައި ކެލާ މެޖިސްޓްރޭޓް ކޯޓުގެ އިސް މެޖިސްޓްރޭޓްކަން، ހއ. ކެލާ ހުދުވެލި އަލްއުސްތާޛު އިބްރާހީމް ސިޢާޢުއަށް ދެއްވައިފިއެވެ.
އަލްއުސްތާޛު އިބްރާހީމް ސިޢާޢުއަކީ ތަފާތު ދާއިރާތަކެއްގައި މަސައްކަތްކުރައްވާފައިވާ ބޭފުޅެކެވެ. އެންމެ ގިނަ ދުވަހު މަސައްކަތްކުރެއްވީ އެލައިންޑް އިންސުއަރެންސްގައެވެ. މަހެއްހައި ދުވަހު ކެލާ ކައުންސިލްގެ ސެކްރެޓަރީ ޖެނަރަލެއްގެ ގޮތުގައި ވެސް މަސައްކަތްކުރެއްވިއެވެ. ބެޗްލަރ އިން ލޯހެދުމަށް ފަހު ޤާނޫނީ ވަކީލެއްގެ ގޮތުގައި 2019 އިން ފެށިގެން މަސައްކަތްކުރައްވަމުން އަންނަ ސިޢާޢު ވަނީ ޤާނޫނީ ދާއިރާއިން މާސްޓަރ ވެސް ހައްދަވައިފައެވެ.
ޖުނިޝަރީގެ ދާއިރާއާ އަލަށް ގުޅުނު ސިޢާޢު ވިދާޅުވި ގޮތުގައި 3 މަސް ދުވަހުގެ ޓެރޭނިންގ ޕްރޮގްރާމަށް ފަހު ކެލާ މެޖިސްޓްރޭޓް ކޯޓާ ޙަވާލުވުމަށް ރަށަށް ދުރުވެވޭ ވަރު ވާނީ އަންނަ އަހަރުގެ ޖެނުއަރީ މަހުގެ ތެރޭގައެވެ.
ކެލާ މެޖިސްޓްރޭޓް ކޯޓުގެ އިސް މެޖިސްޓްރޭޓްގެ ގޮތުގައި ހަމަޖެއްސެވި އަލްއުސްތާޛު އިބްރާހީމް ސިޢާޢުއަށް ތިލައުތުރު ނޫހުގެ ފަރާތުން ތަހުނިޔާ ދަންނަވަމެވެ.
