ފިއްލަދޫ ސްޕޯރޓްސް އެކަޑަމީއާ ކެލާ ޔޫތު ފޯރަމް ސްޕޯރޓްސް އެކަޑަމީގެ ރަޙްމަތްތެރިކަމުގެ މެޗު ފިއްލަދޫ ސްޕޯރޓްސް އެކަޑަމީން ކާމިޔާބުކޮށްފި
މިއަދު ހަވީރު ފިއްލަދޫގައި ކުޅުނު މި މެޗް ބޮޑު ތަފާތަކުން ކެލާ ޔޫތު ފޯރަމް ސްޕޯރޓްސް އެކަޑަމީގެ މައްޗަށް ފިއްލަދޫ ސްޕޯރޓްސް އެކަޑަމީން ކާމިޔާބުކުރީ 31 ލަނޑު 15 ލަނޑުންނެވެ.
ދެ އެކަޑަމީގެ ގްރޭޑް 5 އާއި 8 އާ ދެމެދުގެ ކުދިން ކުޅުނު މި މެޗް ޝަރަފުވެރިކޮށްދެއްވީ ފިއްލަދޫ ސްކޫލުގެ ލީޑިން ޓީޗަރ ފާޠިމަތު ނުސްރާއާއި، ފިއްލަދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާ ޢާއިޝަތު ވަޙީދާއެވެ.
ފިއްލަދޫ ސްޕޯރޓްސް އެކަޑަމީއަކީ މީގެ 5 އަހަރު ކުރިން ފެށިގެން ހޭންޑް ދަސްކޮށްދިނުމުގައި ޙަރަކާތްތެރިވަމުން އަންނަ އެކަޑަމީއެކެވެ. ކޭ. ވައި. އެފް ސްޕޯރޓްސް އެކަޑަމީން ހޭންޑް ބޯލް ޙަރަކާތްތައް ފެށީ މީގެ ދޮޅު އަހަރެއް ކުރިންނެވެ.
ކޭ.ވައި.އެފް ސްޕޯރޓްސް އެކަޑަމީގެ ދަރިވަރުންނާއި އޮފިޝަލުންނަށް ފިއްލަދޫއަށް ކުރި މި ޒިޔާރަތަށް، ހޫނު މަރުޙަބާއެއް ފިއްލަދޫއިން ކިޔާފައިވާކަން ކެލާ އެކަޑަމީން ފާހަގަކުރެއްވިއެވެ. ފިއްލަދޫއާއި، ކެލައަކީ އަބަދުވެސް ގާތްގުޅުމެއް އޮންނަ ދެ ރަށެވެ. އިންތިޚާބީ ގޮތުން ވެސް މި ދެ ރަށް ހިމެނިފައި ވަނީ އެއް ދާއިރާއެއްގައެވެ.
