“ޢީދު މަހާސަމާ 1446 – ހއ. ކެލާ” މުބާރާތްތަކުގައި ބައިވެރިވާން ހުޅުވައިލައިފިއެވެ. ޢީދުގެ ޙަރަކާތްތައް ކެލާގައި އިންތިޒާމުކޮށް ހިންގާ ކެލާ ޔޫތު ފޯރަމުން ހުޅުވައިލައިފައިވާ މުބާރާތްތައް ތިރީގައި އެ ވަނީއެވެ.
1. ޢީދު ވަލާހިފުން (ވާދެމުމުގެ މުބާރާތް)
2. ޢީދު ކައްކާލި (ޑާންސް މުބާރާތް)
3. ޢީދު ބުއްރާސް ( ކެނޯ ރޭސް)
4. ޢީދު ހުސިޔާރު ( ކެއުމުގެ މުބާރާތް)
5. ޢީދު ކަށިހިތްވަރު (ޢާއިލީ ހަވީރު)
6. ޢީދު އާންދޮގޭ (ފަންގިވިނުން، ރޯނުވެށުން)
7. ޢީދު މަހާދިޔުން ( މަސް ރޭސް)
ކެލާ ޔޫތު ފޯރަމުން މަޢުލޫމާތު ދެއްވި ގޮތުގައި މި މުބާރާތްތަކުގެ ތެރޭގައި ޓީމުތަކަށް ހުޅުވައިލައިފައިވާ މުބާރާތްތަކާއި، ވަކި ފަރުދުންގެ ގޮތުގައި ބައިވެރިވެވޭ މުބާރާތްތައް ވެސް ހިމެނިފައި ވެއެވެ. މި މުބާރާތްތަކުގައި ޢީދު ކުޅިވަރަށް ކެލައަށް ޒިޔާރަތްކުރާ ފަރާތްތަކަށް ވެސް ބައިވެރިވެވޭ ގޮތަށް ވަނީ ހަމަޖެހިފައެވެ.
ކެލައަކީ ޢީދު ކުޅިވަރު ޤައުމީ ފެންވަރުގައި މި އަހަރު ފާހަގަކުރާ ރަށްތަކުގެ ތެރެއިން ރަށެކެވެ.
