ކޮންޓްރެކްޓަރުންނާ ޙަވާކުރެވިފައިވާ ބަނދަރުގެ ތެރޭގައި ކެލާ ބަނދަރު ހިމެނޭ ކަމަށް ރައީސުލްޖުމްހޫރިއްޔާ ވިދާޅުވެއްޖެ
މި ސަރުކާރުން ކޮންޓްރެކްޓަރުންނާ މަސައްކަތް ޙަވާލުކޮށްފައިވާ ބަނދަރުގެ ތެރޭގައި ކެލާ ބަނދަރު ހިމެނޭކަން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިޢުލާންކުރައްވައިފިއެވެ. މި ކަން އެ މަނިކުފާނު އިޢުލާންކުރައްވާފައި ވަނީ 2025 މޭ 3 ވަނަ ދުވަހު، ނޫސްވެރިންނަށް ދެއްވި ތާރީޚީ ބައްދަލުވުމުގައެވެ.
ގާތް ގަނޑަކަށް 15 ވަރަކަށް ގަޑީއިރަށް ދިގުދެމިގެން ދިޔަ، ނޫސްވެރިންގެ ބައްދަލުވުމުގައި ބަނދަރުގެ މަސައްކަތް ކޮންޓްރެކްޓަރުންނާ ޙަވާލުުކޮށްފައިވާ ކަމަށް އިޢުލާންކުރެއްވި 28 ބަނދަރުގެ ތެރޭގައި ކެލާ ހިމެނިފައި އޮތެވެ.
މި ފަހަރު މި ކުރެވޭ ބަނދަރު މަސައްތަކުގެ ސަބަބުން ކެލާގެ ޤުދުރަތީ ނަލަ ގޮނޑުދޮށަށް އިތުރު ތާޒާކަން ލިބި، ގޮނޑުދޮށަށް ޖަމާވަމުން އަންނަ އަކިރީގެ ނުރައްކަލުން ސަލާމަތްވާނެ ކަމަށް އުންމީދުކުރެވެއެވެ.
އެމްޓީސީސީއާ ޙަވާލުކޮށްގެން ކުރިއަށްގެންދާ މި މަޝްރޫޢުގެ މަސައްކަތް ކައިރި ތާރީޚެއްގައި ފެށި ނިމިގެން ދިޔުމަކީ ކެލާ ރައްޔިތުން ވަރަށް ބޮޑަށް އެދޭ ކަންކަމުގެ ތެރެއިން ކަމެކެވެ. ރައީސް ޑޮކްޓަރ މުޙައްމަދު މުޢިއްޒުގެ ޒަޢާމަތުގައި ކެލާގެ ތަރައްޤީއަށް ހިމަނުންވާފައިވާ އެންމެހައި ކަންކަން ނިމިގެން ދިޔުމަކީ، ކެލާ ރައްޔިތުން ދެކެމުން އަންނަ ހުވަފެންތަކުގައި ޙަޤީޤީކުލަ ޖެހިގެންދާނެ ކަމެކެވެ.
