ޚަބަރު
އެމްޕީގެ ޢީދު ހަދިޔާ، ދާއިރާގެ ރަށްތަކުގައި ދިރިއުޅުއްވާ ރައްޔިތުންނަށް

ކެލާ ދާއިރާގެ އެމްޕީ ޢަބްދުﷲ ޝަރީފުގެ “ޢީދު ހަދިޔާ” ދާއިރާގެ ރަށްތަކުގައި ދިރިއުޅުއްވާ ރައްޔިތުންނަށް ބައްސަވައިފިއެވެ.
ކެލާ ދާއިރާގައި ހިމެނޭ ރަށްތައް ކަމުގައިވާ ކެލާ، ފިއްލަދޫ އަދި ވަށަފަރުގެ ރައްޔިތުންނަށް ދެއްވި، މި ޢީދު ހަދިޔާ ރޭގެ ވަގުތެއްގައި ވަނީ ޙަވާލުކުރައްވާފައެވެ. އުންމީދު ކުރެވެނީ މި ޢީދު ހަދިޔާ ގްރޭޓަރ މާލޭ ސަރަޙައްދުގައި ދިރިއުޅުއްވާ ދާއިރާގެ ރައްޔިތުންނަށް ވެސް ކުރިއަށް އޮތްތަނުގައި ލިބިގެން ދާނެ ކަމަށެވެ.
ކެލާ ދާއިރާގެ އެމްޕީ ޢަބްދުﷲ ޝަރީފަކީ، ދާއިރާގެ ރައްޔިތުންނާ ގާތް ގުޅުމެއް ބާއްވާ، ދާއިރާގެ ރަށްތަކުގެ ތަރައްޤީއަށް ސަރުކާރާ ގުޅިގެން ގިނަގުނަ މަސައްކަތްތަކެއް ކޮށްދެވޭތޯ ބަލަމުން އަންނަ އެމްޕީއެކެވެ.