ގޯލަޑަން ފުޓްސަލް ޗެލެންޖު 2025 ގެ ހއ. އަތޮޅުގެ ގަދަ ހިފުމަށް މިރޭ ވަށަފަރު، ކެލާއާއެކު އަދި މާރަންދޫ ދިއްދޫއާއެކު ނުކުންނާނެއެވެ.
ވަށަފަރު ސެމީއަށް ދަތުރުކުރީ 5 ޓީމު ވާދަކުރި ގްރޫޕް ބީގެ 1 ވަނަ ޓީމުގެ ގޮތުގައެވެ. ގްރޫޕް ސްޓޭޖުގައި ކުޅުނު މެޗުތަކުން، އެ ޓީމުން ވަނީ ޖުމްލަ 10 ޕޮއިންޓް ހޯދާފައެވެ. ވަށަފަރާ ބައްދަލުކުރާ ކެލާ، ސެމީއަށް ދަތުރުކުރީ ގްރޫޕް އޭގެ 2 ވަނަ ޓީމުގެ ގޮތުގައެވެ. ގްރޫޕު ސްޓޭޖުގައި ކެލާއަށް ލިބުނީ 7 ޕޮއިންޓެވެ.
ސެމީގައި ވާދަކުރާ މާރަންދޫ ސެމީއަށް އައީ ގްރޫޕު އޭގެ 1 ވަނަ ޓީމުގެ ގޮތުގައެވެ. ގުރޫޕު ސްޓޭޖުގައި މާރަންދޫއިން ވަނީ 9 ޕޮއިންޓް ހޯދާފައެވެ. މާރަންދޫއާ ވާދަކުރާ ދިއްދޫ ސެމީން ޖާގަ ހޯދީ ގްރޫޕު ބީގެ 2 ވަނަ ޓީމުގެ ގޮތުގައެވެ. އެންމެ ފަހުގެ އަތޮޅު ޗެމްޕިއަންކަން ވެސް ހޯދައިފައިވާ ދިއްދޫއަށް ގްރޫޕު ސްޓޭޖުގައި ލިބުނީ 9 ޕޮއިންޓެވެ.
މިރޭ 9.30 ގައި މިއިން ކޮންމެ ޓީމެއްގެ، ކޮންމެ ކުޅުންތެރިއެއް ފަދައިން ކޮންމެ ރަށެއްގެ ކޮންމެ ސަޕޯރޓަރަކު ވެސް، މިރޭ ދަނޑަށް ދާނީ ނުވަތަ ކުޅެން ނުކުންނާނީ، ރަށަށް ނުވަތަ ޓީމަށް ކާމިޔާބަށް އެދިއެވެ. ފުޓްބޯޅައިގައި ކޮންމެ ނަތީޖާއެއް ވެސް ނުކުމެ ދާނެއެވެ. ކުޅިވަރުގެ ރޫޙާ އެއް ގޮތަށް ޓީމު މޮޅުކުރުމަށް ޓަކައި، ކަށީގެ މަދުން ހިތްވަރު ނެރެ ސާބަސް ދިނުމަކީ ޓީމުތަކަށް ލިބޭނެ ވަރަށް މަތިވެރި ހިތްވަރެކެވެ. އެންމެން ވެސް ދަނޑަށް ދިޔުމަކީ، ތިލައުތުރު ނޫހުގެ ވެސް އެދުމެކެވެ.
