(2)ޝައުބާންމަހު 30 ދުވަސް ހަމަކުރުން
(1)ޝަޢިބާންމަހުގެ 29 ވަނަ ދުވަހު ( 30 ވަނަ ވިލޭރޭ) ހަނދުނުފެނިއްޖެނަމަ ، ފަހެ އެހާރުން ޝަޢުބާންމަހުގެ 30 ވަނަ ދުވަސް ފުރިހަމަކުރާނީއެވެ. އެއީ އުޑު ފާޅުކޮށް (ސާފުކޮށް) ހުއްޓަސް ނުވަތަ ވިލާތަކުގެ ސަބަބުން ސާފުނޫންކޮށް (ފަނޑުކޮށް) ހުއްޓަސްމެއެވެ■ 4 މަޛްހަބު
(2) ޝަޢުބާންމަހު 30 ވަނަ ދުވަހު (ޝައްކު ދުވަހު) : (1) އެދުވަހަކީ ރަމަޟާންމަހަށް ވެދާނެކަމުގެ ބިރަށް : ނުވަތަ (2) ރައްކާތެރިވުމުގެ ގޮތުން( ނުހިފާ ގޮއްސިއްޔާ ރަމަޟާންމަހު ރޯދައެއް ނުހިފި ގޮސްދާނެކަމަށް ޝަޢުބާން 30 ރޯދަހިފުން) : ރޯދަހިފުން ހުއްދަވެގެންނުވެއެވެ ■ މާލިކީ އަދި ޝާފިޢީ މަޛްހަބު ، އަޙުމަދުގެ ރިވާޔަތެއް ، ބައެއް ސަލަފުން ، ޖައްޞާޞް، އިބްނު ޙަޒުމް ، އިބްނު ޢުޘައިމީން
ނޯޓް :….. ޝަޢުބާންމަހުގެ ދެބައިކޮށްފައި ރޯދަހިފުން 2 ބަޔަށް ބެހިގެންވެއެވެ. (1) ޝަޢުބާންމަހުގެ 16 ވަނަ ދުވަހުން 28 ވަނަދުވަހު ރޯދަހިފުން : ކުރީގެ އާދައެއްނުވާނަމަ މިދުވަސްތަކުގައި ރޯދަހިފުން މަކްރޫހައެވެ.
(2)އާދައެއްނެތްނަމަ ، ޝައްކުގެދުވަހު ރޯދަހިފުން(ރަމަޟާންމަހުގެ އެއްދުވަސް ނުަުވަަތަ 2 ދުވަސްކުރި) ހުއްދަވެގެންނުވެއެވެ. ( އާދައެއްވާނަމަ ހުއްދައެވެެ. މިޝާލު : ކޮންމެ ހަފްތާއެއްގެ ހޯމަ އަދި ބުރާސްފަތިދުވަހު ބަރާބަރަށް ރޯދަ ހިއްޕަވާ ބޭފުޅެއްނަމަ ޝައްކުގެދުވަހު ރޯދަހިފުން ހުއްދައެވެ. އަދި ޤަޟާރޯދައެއްވާނަމަ ހިފުންވެސް ހުއްދައެވެ.ޝައްކުގެ ދުވަހު) (އިސްލާމް.ކިއު.އޭ ))
(3)ފަަލަކީ ހިސާބަށް ހަމައެކަނި އިޢުތިމާދުވެ :: ރަމަޟާންމަސް ވަންކަމަށް ހަނދު ޘާބިތުކުރުން ހުއްދަވެގެންނުވެއެވެ.އަދި ހަމައެކަނި ފަލަކީ ހިސާބަށް ބަލާ (އެއިން ނިކުންނަ ނަތީޖާއަށް) ޢަމަލުކުރުން ހުއްދަވެގެންނުވެއެވެ. ■ މުސްލިމުންގެ އިއްތިފާޤު
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
