■ (1)ޝަޢުބާންމަހުގެ 30 ވަނަ ވިލޭރޭ (އެބަހީ : ޝަޢުބާން 29 ވަނަ ދުވަހުގެ ރޭ) ހަނދު ބެލުމަކީ ފަރުޟު ކިފާޔަތެކެވެ.( ކޮންމެސް އެއްބަޔެއްގެ މައްޗަށް ވާޖިބެކެވެ. އެއްބަޔަކު ކުރުމުން އެންމެންގެ މަތިން ފާފައުފުލިގެންދެއެވެ.) ■ ޙަނަފީން މިފަދައިން ނައްޞު ( ބަޔާން) ކުރައްވާފައިވެއެވެ
■ (2)ޝައުބާންމަހުގެ 30 ވަނަ ވިލޭރޭ (އެބަހީ : ޝަޢުބާން 29 ވަނަ ދުވަހުގެ ރޭ) ހަނދު ފެނިއްޖެނަމަ (އަނެެއް ދުވަހު) ރަމަޟާންމަހު އެއްވަނަ ދުވަހު ރޯދަހިފުން ވާޖިބުވެގެންވެއެވެ ■ މުސްލިމުންގެ އިއްތިފާޤު
■ (3)އަދުލުވެރިއަކު (އެެންމެ މީހެއް) ރަމަޟާންމަހުގެ ހަނދު ފެނިއްޖެކަމަށް ހެކިވެއްޖެނަމަ ފަހެ އެހާރުން ރަމަޟާންމަސް ވަދެއްޖެކަން ޘާބިތުކުރުމަށް ފުދިގެންވެއެވެ. (ހަނދު ފެނިއްޖެކަމަށް އެންމެ އަދުލުވެރިއަކު (1) ބޮޑެތި ފާފަތަކުން ދުރުހެލިވާ (2) ކުދިފާފަ މަތީ ދެމިނުހުރުން (3) ފާސިޤުމީހެއްގޮތުގައި އެނގިފައިނުވުން..) ހެކިވުމުން ފުދިގެންވެެއެވެ.) ■ ޝާފިޢީ އަދި ޙަންބަލީ މަޛްހަބު ، ސަލަފުންގެ ބައެއް ބޭކަލުން ، އިބްނު ބާޒު ، އިބްނު ޢުޘައިމީން
■ (4)މީހަކަށް ރަމަޟާންމަހުގެ ހަނދުފެނި : (1) ފެނުނުކަމަށް ހެކިނުވާނަމަ (2) ނުވަތަ ހަނދު ފެނުނުކަމަށް ހެކިވިނަމަވެސް ޝަހާދަތް ޤަބޫލުނުރެވުނުނަމަ : ފަހެ މިހާލަތުގައި އެއިންސާނާ (ހަަމައެކަނި ހަނދު އެފެނުނު އިންސާނާ) ރޯދަ ހިފާނެތޯ ނުވަތަ ނޫންތޯ ޢިލްމުވެރިންގެ މެދުގައި ޚިލާފު އުފެދިފައިވެއެވެ.
(1)އެއިންސާނާ މިހާލަތުގައި (އަނެއް ދުވަހު) ރޯދަހިފާނެއެވެ.އެއީ އިންސާނާ ހަނދު ފެނިފައިވާތީއެވެ ■ 4 މަޛްހަބު ، ޘާހިރީންގެ ބަސްފުޅު ، ގިނަ ޢިލްމުވެރިންވަނީ މިފަދައިން
(2)މިހާލަތުގައި އެއިންސާނާ މީސްތަކުންނާއިއެކު ރޯދަހިފާނީއެވެ. އެއިންސާނާއަށް ހަނދު ފެނުނަސް އެފެނުމަށް ބިނާނުކުރާނީއެވެ. ■ ބައެއް ސަލަފުން ، އަޙުމަދުގެ ރިވާޔަތެއް ،އިބްނު ތައިމިއްޔާ ، އިބްނު ބާޒު
)މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން(
والله أعلم
